طريقه سداد الديون والخروج من الفقر بأسلوب أغني رجل في بابل
مدونة الحبوني

حاسب الي , موبايلات , منوعات

طريقه سداد الديون والخروج من الفقر بأسلوب أغني رجل في بابل

محمد طاهر
... بسم الله الرحمن الرحيم ...
انا عارف انك عاجز تسد اليون .
لسان حالك الان وأنت مديون :
انا مهموم ومليش مزاج للشغل وحتي لو شغال الدخل بتاعي مش مكفيني والحياه مش ماشيه معايا وكل ما ادخل في مشروع مش بيكسب معايا وهتسال نفسك معرفش في ايه هو انا مالي مفيش حاجه راضيه تمشي معايا ليه .


وهنا أسالك سؤال
ما هي الطريقه الصحيحة لعمل كوب شاي بأسرع وقت ؟
الجواب
أضع ماء في كوب و اترك فيه كميه من الينسون و أضعه تحت اشعه الشمس ؟
اكيد هتسألني ازاي الينسون هيعمل شاي ؟
و كمان هيغلي امتي ده علي اشعه الشمس ؟
وانا أكيد هسألك برضه ازاي اسلوبك ده هيسدد ديونك وامتي هتسددها بطريقتك المحبطه في التفكير دي وأنت بتوصف نفسك بالفشل وعدم القدره علي عمل اي حاجه ؟
من هنا نفهم انه في قاعده لكل شئ , زي ما ان الينسون مينفعش يبقي شاي , اكيد برضه طريقتك في إدارة إيراداتك غلط ولازم تتبع الطريقه الصحيحه لسداد الديون
ومن هنا نبدأ :
كان في مدينه اسمها بابل اشتهرت بالغني الفاحش نتيجه لحسن تصرف شعبها اللي كانوا مشهورين بالتجاره وكان فيهم واحد اسمه اركاد وكان هو اغني رجل في بابل لدرجه ان الناس في بابل اتعلموا منه اصول الحياه وكيفيه بناء ثروة .
عشان كده لازم نتعلم ازاي نبني ثروة مش انك تسدد ديونك فقط و اذا اتبعنا نفس القاعده اللي اركاد علمها للناس في بابل ان شاء الله هنوصل لسداد الديون .
قواعد سداد الديون :
1 _ أبدأ في ملئ محفظتك :
لازم تدفع لنفسك 10 % تدخرهم من ايراداتك تشيلهم علي جمب.
لما تقبض اخر الشهر اكيد بتصرف كل فلوسك علي متطلبات الحياه وده غلط , والصح انك تحتفظ بجزء من ايراداتك حتي لو ايراداتك مش بتكفيك في متطلبات المعيشه بمعني انك تحتفظ ب 10 % مكسبك اليومي او الشهري , يعني من كل 100 جنيه تحتفظ ب 10 جنيه كانهم مش موجودين وتدخرهم , بكده هتبدأ في ملئ محفظتك لأن زي ما بتدفع من مرتبك او ايراداتك للاكل والشرب واللبس والايجار برضه لازم تدفع لنفسك 10 % تدخرهم من ايراداتك تشيلهم علي جمب.
2_ تحكم في نفقاتك :
لابد أن تضع ميزانيه لنفقاتك بحيث تبدأ بالاشياء الضرورية وكل ده بدون ما تنفق اكتر من تسع اعشار ما تكسب .
اكيد هتسأل ازاي هدخر 10 % من ايراداتي بالرغم من ان ايراداتي كلها مش بتكفي نفقاتي ؟.
شوف لو هنقارن ظروفك بظروف غيرك ممكن تلاقي غيرك ايراداته ومكسبه اكتر منك ومع ذلك مديون برضه ومش عارف يسدد ديونه , يبقي هنا المشكله مش في كميه الايرادات انما المشكله هنا في سوء التصرف في الايرادات نفسها , عشان كده في حاجة أسمها نفقات " ضروريه " وفي حاجه أسمها " رغبات شخصيه " وكلنا بلا استثتاء عندنا الرغبات الشخصيه اهم من النفقات الضروريه والرغبات الشخصيه مش بتنتهي ابدا لأن رغبات الانسان ملهاش حدود , حتي لو كنت اغني اغنياء العالم اكيد هيكون ليك رغبات مش هتقدرتحققها بثروتك وفلوسك , فمثلا في حدود للوقت بتاعك وفي حدود للمسافه اللي تقدر تسافرها وفي حدود لكميه الطعام اللي بتتناولها , كل شئ له حدود , وكل ما هتنموا ثروتك هتنموا معاها رغباتك , عشان كده يجب أن تضع ميزانيه لنفقاتك بحيث تبدأ بالاشياء الضرورية وكل ده بدون ما تنفق اكتر من تسع اعشار ما تكسب .
3_أعمل علي إنماء ثروتك :
وظف كل ما لديك من مال كي ينتج ربحا حتي يساعدك في تكوين مورد مالي ثابت خاص بك عباره عن نهر من المال يتدفق باستمرار اليك .
بمعني انك بعد فتره من الادخار شوف انت مدخر كام وقم بعمل مشاركه مع شخص مضمون يشغلك فلوسك ويعطيك منها ربح ولو قليل وفي نفس الوقت انت بتدخر برضه 10 % من ايراداتك الشخصيه , طيب لما الشخص المضمون يعطيك الربح بتاعك من الشراكه اللي بينكم تعمل ايه ؟ غلط انك تصرف منها علي نفسك , والصح انك تعطيه ارباحك برضه وتزود رأس المال بتاعك , وكل ما تدخرال 10 % من ايراداتك الشخصيه تعطيها للشخص المضمون برضه كزياده لرأس المال , عشان كده وظف كل ما لديك من مال كي ينتج ربحا حتي يساعدك في تكوين مورد مالي ثابت خاص بك عباره عن نهر من المال يتدفق باستمرار اليك .
طريقه سداد الديون :

الطريقه المثاليه الغير مجهده ليك كالاتي :
اولا تقوم بأدخار 10 % زي ما تفقنا , بعد كده تنفق علي احوالك المعيشيه الضروريه ما يقارب حوالي 70 % من ايراداتك , يبقي فاضل 20 % من أيراداتك الشخصيه تقوم بتقسيمها علي الديون , واليك الاسلوب.
1_ قم بالذهاب لجميع الدائنين وواجهم بروح الرجل الواثق من نفسه.
2_ حدد النسبة اللي هتقدر تسدد ديونك بيها لكا دائن واتفق معاه عليها .
3_ لا تقلل من شأن نسبه المال حتي لو كانت قليله , لما تسدد علي مسافه طويله أفضل من انك ما تسددش ديونك خالص وتتراكم عليك .
4_ لو أحد الدائنين لم يقبل بالنسبه اللي حدتتها له ورفض , واجهة بالاتي , قل له هتاخد الفلوس ولا اعطيها لغيرك لان دي مقدرتي في سدادك , لازم هيقبلها لأنه مش طايل منك حاجه اساسا من زمان

5_ لاتنسي الاستغفار ومداومه الصلاه فهي مفتاح كل شئ
بسم الله الرحمن الرحيم "فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاء عَلَيْكُم مِّدْرَارًا * وَيُمْدِدْكُمْ بِأَمْوَالٍ وَبَنِين َ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا" .





هذا الموضوع خاص بمدونة محمد طاهر, يمكنك نقل أي موضوع من المدونة بشرط ذكر المصدر وذكر رابط الموضوع الأصلي .

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

الزوار

جميع الحقوق محفوظة

مدونة الحبوني

سياسة الخصوصية