اختيار ويندوز مناسب للكمبيوتر يعمل بكفاءه مع التطبيقات والالعاب


بقلم : محمد طاهر
... بسم الله الرحمن الرحيم ...

لمحه عن المشاكل المتعلقه بالتطبيقات والالعاب :
انواع المشاكل مختلفه وكتيره وده بيكون علي حسب كل تطبيق واخر او لعبه واخري وايضا بتختلف من جهاز لاخر وايضا بتختلف من سيستم لاخر يعني ممكن لعبه او برنامج يشتغل عند غيرك و تيجي تشغل نفس التطبيق اواللعبه عندك متشتغلش , وممكن يشتغلوا عندك وغيرك لا , فقبل ما تشتكي من عدم تشغيل اللعبه او التطبيق علي جهازك لازم تتاكد هل جهازك متوافق مع متطلبات التشغيل ولا لا , وهل جهازك متسطب عليه الوندوز المناسب و البرامج المساعده ولا لا , وبعدها باذن الله نحل معظم المشاكل .



الخطوات الاتيه نتبعها بنفس الطريقه :

أولا نختار ويندوز متوافق مع امكانيات الكمبيوتر :

انواع الوندوز كتيره , لكن اللي يهمنا فيها نوعين من انظمة التشغيل كالاتي وهم وندوز بنظام 32 بت والنوع التاني هو نظام 64 بت , الفرق بينهم باختصار
نظام 32 بت :
مخصص للاجهزه الضعيفه لانه اعلي حاجه بيقبلها في الرامات هي 4 جيجا , يعني لو حبيت تعلي امكانيات جازك واشتريت رامات 6 جيجا وكان نظام التشغيل بجهازك 32 بت , هنا النظام مش هيشوف غير 4 جيجا فقط من الرامات وممكن يشوفهم 3.5 ’,
نظام 46 بت :
مخصص للاجهزه القويه وبيقبل رامات أعلي من 4 جيجا يعني لو حطيت مثلا " 50 جيجا " رامات هيشوفهم ويستخدمهم لان ده نظام مخصص للالعاب الكبيره و التطبيقات الثقيله زي مثلا 3dmax وبرامج render وده شغل جرافيك عالي مينفعش فيه غير وندوز 64 بت , عشان كده اول حاجه اختبر امكانيات جهازك لان في العاب وبرامج بتحتاج وندوز نظام 46 بت و مش هتشتغل علي نظام 32 بت .

ثانيا نقوم بتثبيت البرامج المساعده لتشغيل الالعاب والبرامج :
لازم نعرف ان في برامج بتساعد نظام التشغيل انه يعمل بكفاءه ومن غير البرامج دي في تطبيقات والعاب كتيره مش هتشتغل حتي لو كان جهازك اعلي جهاز , اهمها كالاتي ,

directx :

برنامج بيرفع من كفاءه الالعاب والبرامج ثلاثيه الابعاد ,


وبيعمل تحسين لجودة الجرافيك وبدونه مش هتشتغل التطبيقات والالعاب , ولازم نسطب احدث نسخه من directx علي الكمبيوتر .

net framework :
برنامج عباره عن حلقة وصل بين البرنامج او اللعبه المراد تشغيلها ونظام التشغيل ،

يعني وسيط ومميزاته ان أي برامج او العاب يمكنها العمل بغض النظر عن البيئة والجهاز الذي تعمل عليه .

microsoft visual c++ :
برنامج مساعد لبرنامج directx و net framework ,

وايضا بيساعد في تشغيل الالعاب و التطبيقات عشان وظيفته هي قراءة الالعاب أو التطبيقات المُبرمجة بلغة C++ , ويجب تثبيت احدث اصدار مع اضافه الاصدارات الاقدم إن امكن .

ثالثا تحديث تعريفات كارت الشاشه :
لازم نعمل تحديث لتعريفات كارت الشاشه باخر اصدار عن طريق موقع الشركه المنتجه للكارت لان التعريف اللي بيكون مع كارت الشاشه في الكرتونه وهي جديده بيكون قديم فلازم نعمل له تحديث .
ثالثا اختبر امكانيات جهازك :
الخطوات السابقه كفيله تشغلك اي لعبه او برنامج , لكن احيانا في برامج او العاب بتطلب امكانيات معينه , يعني امكانيات الكمبيوتر وهنا شرح بسيط يوضح يعني ايه امكانيات و امكانيات اي جهاز متوقفه علي القطه التاليه :
Motherboard :
اللوحه الام , هي اللي بنركب عليها جميع قطع الكمبيوتر وكل ما كانت حديثه وقويه تساعد في التشغيل بكفاءه .
Processor :
المسؤال معالجه اليانات و اذا كان ضعيف مش هتشتغل معاك الالعاب الحديثه أو هتقطع .
Vega :
القطعه الاساسيه لمعالجه الرسومات والصور ونقل الحركه في الالعاب والبرامج و لو ضعيفه مش هتشتغل معاك الالعاب والبرامج بكفاءه .
Ram :
لنقل البيانات لازم تكون بكميه وفيره عشان الالعاب متهنجش وتقطع .
Hard :
هو اللي ننسخ عليه البرامج والالعاب و لازم يكون مساحته كافيه للتخزين .

بعد كده يجب علينا نعرف متطلبات تشغيل البرنامج او اللعبه اللي عوزين نشغلها عن طريق الشركه المصنعه ان امكن او عن طريق البحث في جوجل هتلاقي مواقع كتير فيها متطلبات تشغيل اللعبه او البرنامج اللي عوزين نشغله وبعدها نشوف امكانيات جهازنا , اذا كان جهازك غير متوافق مش هتشتغل , اما اذا كان جهازك متوافق هتشتغل , اما اذا كان جهازك متوافق وبرضه اللعبه او البرنامج مش بيشتغل يبقي انتقل للموضوع التالي وهو

حل المشاكل االشائعه للالعاب والبرامج



هذا الموضوع خاص بمدونة الحبوني , يمكنك نقل أي موضوع من المدونة بشرط ذكر المصدر وذكر رابط الموضوع الأصلي .






ليست هناك تعليقات:

سياسة الخصوصية