طريقة ضبط الويندوز ليعمل بكفاءه مع التطبيقات والالعاب
مدونة الحبوني

حاسب الي , موبايلات , منوعات

طريقة ضبط الويندوز ليعمل بكفاءه مع التطبيقات والالعاب


بقلم : محمد طاهر
... بسم الله الرحمن الرحيم ...

أولا نختار ويندوز متوافق مع امكانيات الكمبيوتر :
انواع الوندوز كتيره كمثال XP , 7 , 8 , 8.1 , 10 , لكن اللي يهمنا فيها حاجة اسمها نوع النواه وهي نواة وندوز 32 بت والنوع التاني نواة وندوز 64 بت ,


نظام 32 بت :
مخصص للاجهزه الضعيفه لانه اعلي حاجه بيقبلها في الرامات هي 4 جيجا , يعني لو حبيت تعلي امكانيات جازك واشتريت رامات 6 جيجا وكان نظام التشغيل بجهازك 32 بت , هنا النظام مش هيشوف غير 4 جيجا فقط من الرامات وممكن يشوفهم 3.5 ’,

نظام 46 بت :
مخصص للاجهزه القويه وبيقبل رامات أعلي من 4 جيجا يعني لو حطيت مثلا " 50 جيجا " رامات هيشوفهم ويستخدمهم لان ده نظام مخصص للالعاب الكبيره و التطبيقات الثقيله زي مثلا 3dmax وبرامج render وده شغل جرافيك عالي مينفعش فيه غير وندوز 64 بت , عشان كده اول حاجه اختبر امكانيات جهازك لان في العاب وبرامج بتحتاج وندوز نظام 46 بت و مش هتشتغل علي نظام 32 بت .

ثانيا نقوم بتثبيت البرامج المساعده لتشغيل الالعاب والبرامج :
لازم نعرف ان في برامج بتساعد نظام التشغيل انه يعمل بكفاءه ومن غير البرامج دي في تطبيقات والعاب كتيره مش هتشتغل حتي لو كان جهازك اعلي جهاز , اهمها كالاتي ,

directx :

برنامج بيرفع من كفاءه الالعاب والبرامج ثلاثيه الابعاد ,


وبيعمل تحسين لجودة الجرافيك وبدونه مش هتشتغل التطبيقات والالعاب , ولازم نسطب احدث نسخه من directx علي الكمبيوتر .

net framework :
برنامج عباره عن حلقة وصل بين البرنامج او اللعبه المراد تشغيلها ونظام التشغيل ،

يعني وسيط ومميزاته ان أي برامج او العاب يمكنها العمل بغض النظر عن البيئة والجهاز الذي تعمل عليه .

microsoft visual c++ :
برنامج مساعد لبرنامج directx و net framework ,

وايضا بيساعد في تشغيل الالعاب و التطبيقات عشان وظيفته هي قراءة الالعاب أو التطبيقات المُبرمجة بلغة C++ , ويجب تثبيت احدث اصدار مع اضافه الاصدارات الاقدم إن امكن .

ثالثا تحديث تعريفات كارت الشاشه :
لازم نعمل تحديث لتعريفات كارت الشاشه باخر اصدار عن طريق موقع الشركه المنتجه للكارت لان التعريف اللي بيكون مع كارت الشاشه في الكرتونه وهي جديده بيكون قديم فلازم نعمل له تحديث .


هذا الموضوع خاص بمدونة الحبوني , يمكنك نقل أي موضوع من المدونة بشرط ذكر المصدر وذكر رابط الموضوع الأصلي .

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

الزوار

جميع الحقوق محفوظة

مدونة الحبوني

سياسة الخصوصية