مشكلة الخروج من اللعبه اثناء اللعب علي الكمبيوتر


بقلم : محمد طاهر
... بسم الله الرحمن الرحيم ...

شرح المشكله :
المشكله اننا بنكون بنلعب عادي في امان الله ونفاجأ بالخروج من اللعبة و نضطر أن نقوم بتشغيلها من جديد ,

واحيانا الكمبيوتر يعطينا رساله بالتوقف عن اللعب .


حل الشكله "
اولا نبحث في جوجل علي متطلبات تشغيل اللعبه اللي عامله المشكله , وبعد كده نقارنها بأمكانيات الكمبيوتر بتاعنا , اذا وجدنا أن اللعبه قويه وعوزه امكانيات عاليه ووجدنا ان امكانيات الكمبيوتر بتاعنا ضعيفه واقل من متطلبات تشغيل اللعبه المطلوبه يبقي كده المشكله في جهازنا وعلاجها اننا نقوم بتشغيل اللعبه وندخل علي ضبط الجرافيك للعبه نفسها ونقلل الجرافيك نخليه علي " low " يعني جوده منخفضه , ونجرب ان شاء الله هتشتغل كويس ,
اما اذا لقينا ان امكانيات جهازنا عاليه وتقدر تشغل اللعبه بكفاءه ومع ذلك اللعبه بتخرج , يبقي تابع الخطوات التاليه .
1 - نقوم بعمل تحديث لكارت الفيجا , يعني نحمل اخر تحديث من الانترنت ونثبته علي جهازنا ونجرب , لو لسه المشكله قائمه نتابع الخطوه التاليه .
2- نضبط برنامج الحمايه علي وضع الالعاب " game mode " علشان يتجاهل ملفات الالعاب لأن احيانا برنامج الحمايه بيشتبه في بعض الملفات وبيمسكها , واذا كان برنامج الحمايه اللي عندنا مفيهوش خاصية " game mode " يبقي نغلق برنامج الحمايه اثناء اللعب ونجرب , لو لسه المشكله قائمه نتابع الخطوه التاليه .
3- نتأكد من الكراك او نقوم بتنزيل كراك جديد للعبه لان احيانا المشاكل بتكون من الكراك نفسه ونجرب , لو لسه المشكله قائمه نتابع الخطوه التاليه .
4- ننزل وندوز من جديد ونقوم بتثبيت اللعبه من جديد وانصحك بالدخول علي الموضوع التالي .
طريقة ضبط الكمبيوتر لكي يعمل بدون مشاكل مع التطبيقات والالعاب


هذا الموضوع خاص بمدونة الحبوني , يمكنك نقل أي موضوع من المدونة بشرط ذكر المصدر وذكر رابط الموضوع الأصلي .





ليست هناك تعليقات:

سياسة الخصوصية