حل مشكلة الاتصال بالانترنت ليس خاصا أو غير موثوق أو غير أمن
مدونة الحبوني

حاسب الي , موبايلات , منوعات

حل مشكلة الاتصال بالانترنت ليس خاصا أو غير موثوق أو غير أمن


بقلم : محمد طاهر
... بسم الله الرحمن الرحيم ...

شرح المشكلة :
أحيانا لما بنفتح صفحة الانترنت لأي موقع بتظهر معانا رساله تحذيريه معناها ان الموقع غير امن او غير موثوق وفي الحاله دي المتصفح مش بيقدر يفتح الموقع رغم وجود الانترنت والرساله بتظهر علي المتصفح باشكال مختلفه هنتعرف عليها ونشرحها .


الرساله الاولي اتصالك ليس خاصًا :

هتلاحظوا انا عامل دايره حمرا في الصوره هتلاقو جواها كلمه " غير أمن " الكلمه دي بيكتبها المتصفح لما بيكون في مشكله .


مضمون الرساله كالأتي " قد يحاول المهاجمون سرقة معلوماتك من ‪itech4sy.wordpress.com‬ (على سبيل المثال: كلمات المرور أو الرسائل، أو بطاقات الائتمان). NET::ERR_CERT_DATE_INVALID "

الرساله التانيه توقيت ساعتك والتاريخ متأخرين عن الوقت الحالي :

هتلاحظوا برضه انا عامل دايره حمرا في الصوره علي كلمه " غير أمن " وزي ما قلنا انالكلمه دي بيكتبها المتصفح لما بيكون في مشكله .


مضمون الرساله كالأتي " تعزر إنشاء اتصال خاص ب www.google.com.eg نظرا لأن التاريخ والوقت لجهاز الكمبيوتر ( الثلاثاء 30 مايو 2017 : 39 : 2 ص ) غير صحيحين NET::ERR_CERT_DATE_INVALID "


الرساله الثالثه بالشكل ده :

مضمون الرسالة كالأتي "قد يؤدي زيارة هذا الموقع إلى الإضراربجهاز الكمبيوتر" .

الرساله االرابعه بالشكل ده :

مضمون الرسالة كالأتي "هناك مشكلة مع هذا الموقع - شهادة الأمن "

حل المشاكل السابقة بيكون بإتباع الخطوات التاليه بدقة :

الراوتر :
سعات الراوتر بيهنج لوحده من غير ما نشعر فلازم نعمل له ريستارت ونتركه لمدة 3 دقائق مطفي ثم نقوم بالتشغيل و نجرب ,

الوقت والتاريخ :

نتأكد من ضبط الوقت والتاريخ علي اعدادات بلدك لأن لما الساعة في الكمبيوتر بتكون مش مضبوطة بيحصل نوع من التعارض ما بين المتصفح والسيستم علي الرغم ان المتصفح احيانا بيشتغل عادي رغم ان الوقت بيكون مش مضبوط لكن احيانا اخري بيعمل مشاكل كتير عشان كده لازم نشوف الساعه كام عندنا ونضبط توقيت الكمبيوتر ونشوف التاريخ برضه كام ونضبطه ايضا , بعدها نعمل إعاده تشغيل للكمبيوتر ونجرب .



برنامج الحماية " الأنتي فيروس " :

أحيانا بيكون المتسبب في مشكلة أتصالك بالأنترنت هو برنامج الحماية , عشان كده تابع خطوات الحل التالية ,

بالنسبة لبرنامج " AVG " نفتح البرنامج و نغلق خاصيه web protected لانها مخصصه لحمايه السيستم من مواقع الويب الضاره لان برنامج الحمايه لما بيشك في موقع معين بيحجبه عن السيستم لكن أحيانا برنامج الحمايه بيقوم بحجب كل المواقع بسبب الكوكيز وملفات التعريف القديمه الموجوده علي سجل تصفح الانترنت , فلابد نقفل خاصيه web protected كما بالصورة التاليه ,



نعمل disable كما بالصورة التاليه ,


الصوره التاليه لبرنامج حمايه اسمه NOOD 32

أقفل كل نوافذ الحماية الخاصة بالأنترنت في برنامج NOOD 32


بعدها ننتظر شويه صغيرين عشان برنامج الحمايه ياخد وقته في غلق نظام الحمايه عن مواقع الويب وبعد كده نفتح المتصفح ونكتب www.google.com.eg عشان نفتح صفحة جوجل ,


اذا المشكلة كانت بسبب الأنتي فيروس هتلاحظوا الدايره الخضرا في الصوره تحتها كلمه " أمن " وبدأ يشتغل طبيعي وده يعني أن شاء الله شغاله تمام .

سجل المتصفح :

نحذف سجل التصفح , لو مش عارف تحذفه اضغط علي الرابط التالي هتلاقي شرح الطريقة .
كيفيه حذف بيانات المتصفح

برنامج المتصفح :
أحذف برنامج المتصفح سواء كان جوجل كروم أو فاير فوكس أو أي متصفح و قم بتسطيبه من جديد لانة سعات بيحصل مشكلة أن النور يقطع فجأة أو تطفي الكمبيوتر بطريقة خاطئة , يحدث بعدها تلف لبعض ملفات المتصفح .

الويندوز :
اذا جربت كل الخطوات ولسه المشكله قائمة يبقي نقوم بتسطيب ويندوز جديد .

شركة الأنترنت :
اذا قمت بتسطيب ويندوز جديد و مجبش نتيجه يبقي تتصل بشركه الانترنت أو صاحب السيبر اللي انت موصل من عندة .


هذا الموضوع خاص بمدونة الحبوني , يمكنك نقل أي موضوع من المدونة بشرط ذكر المصدر وذكر رابط الموضوع الأصلي .



التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

الزوار

جميع الحقوق محفوظة

مدونة الحبوني

سياسة الخصوصية